هاردان باشلییم،هاردان باشلییم!!!!!

هاردان باشلییم.هاردان باشلییم!!!!!!!!!!!!!!!!!!!!

واقعیت ده بیر مدتی دی،چون آللاهیمینان عهد باغلامیشدام،داهی سنی و سنین گلماغیوا آللاه دان ایسته لریمده دیله گتیرمیردیم،منیم جان یولداشیمین تصادفوندان سونرا،همیشه بونا فیکیرلشیر دیم کی ،آللاه لطفی کی بیزه ائله دی،و  اصغریم تصادف دن سالیم چیخدی،بیر عمر منیم اوچون یئترلیدی.

امما داوا درمانیمی دا ائلیر دیم.هر دفعه دکترا گئدنده،بیر دور دا اونون ساواشیردیم،چون اخلاقین اصلا سئومیردیم،همیشه دییردیم:احساس ائلیر آللاه دی گلیب اوتوروب دکترلوخ میزینین دالیسیندا.ولی او وقتلری کی دکتر منی نا امید ائلیردی ده،منیم اورگیم بوتونی دی،چون مطمئنیدیم،آللاه اگر ایسته سه اوز فرشته سین منه امانت وئره،هیچ دکتر دن و علم پزشکی دن اجازه آلمییجاخ

قشنگ یادیمدادی آخر سری کی دکتره گئتدوخ اوروشلوغی دی،من ده اوروجی دیم،هم دکترون ائلیندن حیرس لی،عوضینده اصغرینن ساواش دیم،و آجاغیمی اونون اوستونده بوشاتتیم.ائوه گلدوخ کوسدوم گئتدیم آیری اوتاقا و دویونجان آغلادیم. ولی منیم هر سری گوزمدن یاش توکولنده،چوچه دن بیر سس گئلردی،همسایه میزین بیر اوغلی واردی کی،بیراز عقب مانده دی،من هر سری گوزومنن یاش آخاندا،او اوغلانین سسی گئلیر دی،ومن تئز آللاهین درگاهینا توبه ائلیب ،دییردیم کی:آللاه زورانین هیساد ایستمیرم،نمنه صلاح بولسن

و آللاه نمنه صلاح بولدی؟؟؟؟؟؟؟؟؟؟!!!